Uthando lokuzisebenza kumvulele amathuba okuziphilisa owashiya ezobuhlengikazi
Uzimisele ngokukhula kwezamabhizinisi owesifazane odume ngelika "Nanaling"
By NWN Editor · 2026/07/17 · 2 min read
Owayefundele ukuba nguMhlengikazi kodwa wangawatholi amathuba omsebenzi, u-Ayanda Nxumalo, owaziwa kakhulu ngelika Nanaling, usephenduke isibonelo sokuthi ukuzimisela nokungesabi ukuqala kancane kungaguqula impilo. Namuhla ibhizinisi lakhe lokudla elinabasebenzi eWaterloo namaphethelo okuyisinyathelo esiwubufakazi bokuthi amabhizinisi amancane angasiza ekulweni nenkinga yokuntuleka kwemisebenzi.
UNanaling, odabuka eVerulam endaweni yase-Osindisweni, esigodini saseMfolozi, uthi wakhulela e-Oakford endaweni eyaziwa ngeSilengeni noma eMakhalafukwe ngaphambi kokuthi umndeni wakhe uzinze eWaterloo.
Nakuba igama lakhe langempela kungu-Ayanda Nxumalo, emhlabeni wamabhizinisi waziwa ngoNanaling, okuyisidlaliso asinikezwa ngumama wakhe omncane esemncane.
Uthe ukungena kwakhe kwezamabhizinisi kwagqugquzelwa ukuntuleka kwamathuba omsebenzi ngemuva kokuphothula izifundo zobuhlengikazi.
"Ngafundela ukuba nguMhlengikazi kodwa amathuba omsebenzi ayemancane. Ngabona ukuthi kufanele ngizenzele umsebenzi kunokulinda ukuqashwa. Ngangifuna ukwenza into ezoba ngeyami futhi ilethe izixazululo emphakathini ngokudala amathuba emisebenzi nakwabanye abantu," kusho yena.
UNanaling uthe ibhizinisi lakhe lokudla waliqala ngoLwezi ka-2020 ngemali encane ayeyongile, ngaphandle kokuboleka.
"Ukuqala kwakunzima ngoba ngangingenayo imali enkulu yokuqala. Kodwa ngaqala ngalokho enganginakho. Ngafunda ukusebenzisa okuncane ukwenza okukhulu. Angizange ngiboleke imali, ngaqala kancane kancane."
Uthe enye yezinselelo ezinkulu abhekane nazo kube ukuntuleka kwemali nokungatholi ukwesekwa okwanele ekuqaleni.
"Kwesinye isikhathi abantu abayiboni inani lomsebenzi wakho ngesikhathi usaqala. Kodwa ngazitshela ukuthi angisabuyeli emuva ngoba ngangazi ukuthi impumelelo idinga ukubekezela."
Namuhla, uthi ukuziqhenya kwakhe okukhulu akukhona nje ukukhulisa ibhizinisi, kodwa ukubona selidale amathuba emisebenzi kubantu bendawo.
"Njengamanje sengiqashe abasebenzi abayisikhombisa eWaterloo. Lokho kungijabulisa kakhulu ngoba bekulokhu kuyiphupho lami ukuthi ibhizinisi lami lingagcini ngokungiphilisa kuphela, kodwa lisize neminye imindeni."
Uthe umndeni wakhe ube yinsika enkulu empumelelweni yakhe.
"Bayangisekela kakhulu futhi bayaziqhenya ngami. Ukungeseka kwabo kunginika amandla okuqhubeka nokusebenza kanzima."
Mayelana nekusasa, uNanaling uthi uhlose ukukhulisa ibhizinisi lakhe libe nezinye izindawo zokudla linesematheni ngokuba nokudla okumnandi KwaZulu-Natal.
"Iphupho lami ukuvula izitolo zokudla eziningi, ngiqashe abantu abaningi kakhulu futhi ibhizinisi lami laziwe kuzo zonke izingxenye zaKwaZulu-Natal. Eminyakeni emihlanu ezayo ngifuna ukubona selinamagatsha amaningi futhi lidale amathuba emisebenzi kubantu abaningi."
Ebhekise entsheni nakulabo abasafuna ukuqala amabhizinisi abo, uthe akufanele besabe ukuqala ngenxa yokushoda kwemali.
"Qala lapho ukhona ngezinto onazo. Ungalindi imali enkulu. Sebenza kanzima, thembela kuNkulunkulu futhi ungalahli ithemba. Uma ungekho umsebenzi, zenzele umsebenzi wakho. Impumelelo ayizi ngosuku olulodwa, kodwa iyenzeka kulabo abazimisele ukusebenza."
Indaba kaNanaling iyisibonelo sokuthi ukuqala kancane akusho ukuphelela lapho. Ngokusebenza kanzima, ukubekezela nokukholwa ephusheni lakhe, usekwazile ukwakha ibhizinisi elingagcini ngokumondla yena kuphela, kodwa elizimisele ngokudala amathuba omsebenzi eWaterloo namaphethelo njengoba exhaswe kakhulu kulelokishi eliseduze kwedolobha iVerulam futhi eliqhubeka nokuletha ithemba kubantu abasha besifazane abanesifiso sokuqala amabhizinsi emiphakathini yaKwaZulu-Natal.
Related Articles
NANALING CATERING BOOSTS KZN DELIVERIES WITH NEW MOTORBIKE
Nanaling Catering is expanding its delivery services with the addition of a new delivery bike, marking another important milestone for the growing Waterloo business. The investment is expected to improve delivery efficiency, strengthen customer service, and create new opportunities as the company continues to serve more communities with quality catering services.
NWN Editor · 1 min read
Mayor Chris Pappas Visits Thriving Local Business DETIAMO in Curry’s Post
uMngeni Municipality Mayor Chris Pappas recently visited DETIAMO Design and Retail in Curry’s Post, where he engaged with business owners and staff while exploring the company’s retail and manufacturing operations. The visit highlighted the important role local businesses play in creating jobs, empowering communities, and driving economic growth within the municipality.
NWN Editor · 2 min read
From Construction Worker to Business Owner: Spha Jiji Builds a Growing Construction Empire
From humble beginnings in the construction industry to becoming a business owner, Sphamandla “Spha” Jiji is turning years of hands-on experience into a growing enterprise through Isamukelo Construction. His journey highlights the importance of hard work, patience, perseverance and creating opportunities for others in the local economy.
NWN Editor · 3 min read